Gàidhlig

Fàilte oirbh gu ar duilleig Ghàidhlig. Tha sinn an dòchas gun còrd ar làrach-lìn ribh agus gum faigh sibh fiosrachadh a tha feumail agus ùidheil.

Tha a’ mhòr-chuid den làrach ri fhaotainn ann am Beurla a-mhàin an-dràsta. ’S e a tha fa-near don duilleig seo, gum faigh sibh mìneachadh farsaing mu na seirbheisean a tha rim faotainn nur cànan fhèin.

Eadar-theangachadh mar-aon

Gach bliadhna, bidh sinn a’ cur cheudan de dh’eadar-theangairean a dh’obair air cùmhnantan gus daoine a chuideachadh bruidhinn ri chèile nuair a dh’fhaodadh cànan a bhith na bhacadh.

Tha trì seòrsaichean sheirbheisean eadar-theangachaidh mar-aon as urrainn dhuinn a thabhann dhuibh:

• Eadar-theangachadh aghaidh-ri-aghaidh
• Eadar-theangachadh air a’ Fòn
• Eadar-theangachadh Co-labhairteach

Eadar-theangachadh sgrìobhte

Thèid againn air gach seòrsa sgrìobhainn eadar-theangachadh bho Bheurla gu Gàidhlig no bho Ghàidhlig gu Beurla. Am measg nan eadar-theangachaidhean a rinn sinn o chionn ghoirid bha na cuspairean agus seòrsaichean sgrìobhainnean uile a leanas:

• Sgrìobhainnean agus teisteanasan laghail
• Aithisgean agus fiosrachadh meidigeach
• Sgrìobhainnean agus litrichean co-cheangailte ri gnothachas
• Stuthan saidheansail agus teicnigeach

Tha ar prìsean airson eadar-theangachaidh stèidhichte air an àireamh fhaclan ri eadar-theangachadh, cho toinnte agus a tha an teacsa agus cho luath ’s a dh’fheumar crìoch a chur air an obair.

Dearbhadh

Nuair a thathar a’ dol a dhèanamh iomadh lethbhreac den eadar-theangachadh, a’ dol ga sgaoileadh fad is farsaing, a’ dol ga shealltainn gu poblach no air an eadar-lìon, tha sinn a’ moladh gum bu chòir an obair a dhearbhadh le dàrna eadar-theangair cuideachd.

Nìthear dearbhadh air eadar-theangachadh sam bith a dh’iarras sibh.

Tha na prìsean airson dearbhaidh air eadar-theangachadh stèidhichte air an àireamh fhaclan, ma nì sinne an t-eadar-theangachadh, agus air uairean a thìde ma thèid iarraidh oirnn eadar-theangachadh a dheasachadh a chaidh a dhèanamh le cuideigin eile mu thràth seach aon den sgioba againn fhìn.

Dealbhadh agus Clò-òrdachadh

Tha sinn cuideachd a’ tabhann seirbheis ioma-chànanach airson obair dealbhaidh agus clò-òrdachadh. Ma tha sibh ag iarraidh gun nochd ur n-eadar-theangachadh leis an aon dealbhadh san do nochd a’ chiad sgrìobhainn, thèid againn air seo a dhèanamh dhuibh. Ma tha dealbhadh agaibh mu thràth, obraichidh sinn le sin, no faodaidh sinn dealbhadh ùr fiù ’s a chruthachadh dhuibh ma dh’fheumar. Bidh cosgaisean nan seirbheisean seo a rèir cia mheud uair a thìde a bheirear air a’ phròiseact.

Ath-sgrùdadh

Aon uair 's gu bheil teacsa air a h-òrdachadh, tha sinn a’ moladh gun toirear sùil às ùr air an sgrìobhainn air eagal ’s gu bheil mearachdan clò ann. Canar ath-sgrùdadh ris an obair seo. Nìthear ath-sgrùdadh daonnan air pròiseactan a rinn ar sgioba clò-òrdachaidh gun chosgais sam bith a bharrachd. Nuair a bheir sinn teacsa do luchd-ceannaich a nì an clò-òrdachadh iad fhèin, agus iad ag iarraidh ath-sgrùdadh a dhèanamh air, nì sinn sin dhaibh. Bidh na cosgaisean an uair sin an crochadh air cia mheud uair a thìde a thug an t-ath-sgrùdadh air a’ chlò-òrdachadh.

Seirbheisean Fuaim-Lèirsinneach

Tha sinn a’ tabhann taghadh de sheirbheisean fuaim-lèirsinneach le stuthan cànain neo-dhùthchasach, nam measg tar-sgrìobhadh agus clàraidhean fuaim. Airson tuilleadh fiosrachaidh mu na seirbheisean seo, cuiribh fios thugainn le ur toil.